33. Kaya agad niyang winakasan ang buhay nila sa pamamagitan ng biglaang pagdating ng kapahamakan.
34. Nang patayin ng Dios ang ilan sa kanila,ang mga natira ay lumapit na sa kanya,nagsisi at nagbalik-loob sa kanya.
35. At naalala nila na ang Kataas-taasang Dios ang kanilang Bato na kanlungan at Tagapagligtas.
36. Nagpuri sila sa kanya, ngunit sa bibig lang, kaya sinungaling sila.
37. Hindi sila tapat sa kanya at sa kanilang kasunduan.
38. Ngunit naawa pa rin ang Dios sa kanila,pinatawad ang mga kasalanan nila at hindi sila nilipol.Maraming beses niyang pinigil ang kanyang galit kahit napakatindi na ng kanyang poot.
39. Naisip niyang mga tao lang sila,parang hangin na dumadaan at biglang nawawala.
40. Madalas silang maghimagsik sa Dios doon sa ilang at pinalungkot nila siya.