1. Panginoon, alalahanin nʼyo po ang nangyari sa amin. Masdan nʼyo ang dinanas naming kahihiyan.
2. Kinuha ng mga dayuhan ang mga lupaʼt bahay namin.
3. Naulila kami sa ama, kaya nabiyuda ang aming mga ina.
4. Kinakailangang bayaran pa namin ang tubig na aming iniinom at ang kahoy na aming ipinanggagatong.
5. Pinagtatrabaho kaming parang mga hayop at hindi man lang pinagpapahinga.
6. Nagpasakop kami sa mga taga-Egipto at Asiria para magkaroon ng pagkain.
7. Ang mga ninuno naming patay na ang nagkasala pero kami ngayon ang nagdurusa dahil sa kanilang kasalanan.