11. pero hindi naniwala ang mga apostol dahil akala nila ay gawa-gawa lang iyon ng mga babae.
12. Ganoon pa man, tumakbo si Pedro at pumunta sa libingan. Pagdating niya roon, sumilip siya sa loob pero wala siyang nakita kundi ang telang linen na ipinambalot sa bangkay. Kaya umuwi siyang nagtataka sa pangyayari.
13. Nang araw ding iyon, may dalawang tagasunod si Jesus na naglalakad papuntang Emaus. Ang nayong ito ay mga 11 kilometro ang layo mula sa Jerusalem.
14. Pinag-uusapan ng dalawa ang mga pangyayaring naganap kamakailan lang.
15. Habang nag-uusap sila at nagtatalo tungkol sa mga bagay na iyon, lumapit sa kanila si Jesus at nakisabay sa paglalakad.
16. Hindi nila siya nakilala dahil itinago ito sa kanilang paningin.