4. Sinunod ni Moises ang iniutos sa kanya ng Panginoon, at nagtipon ang mga taga-Israel sa may pintuan ng Toldang Tipanan.
5. Sinabi sa kanila ni Moises na ang gagawin niya ay iniutos sa kanya ng Panginoon.
6. Dinala niya sa gitna si Aaron at ang mga anak niyang lalaki at silaʼy pinaliguan.
7. Ipinasuot niya kay Aaron ang damit bilang punong pari: ang damit-panloob, ang sinturon, ang damit-panlabas, at ang espesyal na damit at binigkisang mabuti ng hinabing sinturon na maganda ang pagkakagawa.
8. Ipinalagay din ni Moises ang isang lalagyan sa dibdib at doon inilagay ang “Urim” at “Thummim”.