1. Anak, sundin mo ang mga sinasabi ko sa iyo. Itanim mo ito sa iyong isipan at
2. sundin ang mga iniuutos ko, upang humaba ang buhay mo. Ingatan mong mabuti ang mga itinuturo ko katulad ng pag-iingat mo sa mga mata mo.
3. Itanim mo sa iyong isipan upang hindi mo makalimutan.
4. Ituring mo na parang kapatid na babae ang karunungan at ang pang-unawa na parang isang malapit na kaibigan.
5. Sapagkat ilalayo ka nito sa masamang babaeng nakakaakit ang pananalita.
6. Minsan dumungaw ako sa bintana ng aming bahay.
7. Nakakita ako ng mga kabataang lalaki na wala pang muwang sa buhay. Isa sa kanila ay talagang mangmang.