8. “Kung ako sa iyo, lalapit ako sa Dios. Sasabihin ko sa kanya ang aking kalagayan.
9. Sapagkat gumagawa siya ng mga kahanga-hangang bagay at mga himalang hindi kayang unawain o bilangin.
10. Nagpapadala siya ng ulan sa mundo at pinatutubigan niya ang mga bukirin.
11. Itinataas niya ang mga nagpapakumbaba at kinakalinga ang mga nagdadalamhati.
12. Sinisira niya ang plano ng mga mandaraya, para hindi sila magtagumpay.
13. Hinuhuli niya ang marurunong sa kanilang katusuhan, at hinahadlangan ang plano ng mga mandaraya.
14. Hindi sila nakakakita kahit maliwanag, at nangangapa sila na parang gabi kahit na katanghalian.