4. Binubunot nila at kinakain ang mga tanim sa ilang pati na ang ugat ng punong enebro.
5. Tinataboy sila palayo sa kanilang mga kababayan at sinisigawan na parang mga magnanakaw.
6. Tumitira sila sa mga lambak, sa malalaking bitak ng bato at mga lungga sa lupa.
7. Para silang mga hayop na umaalulong sa kagubatan at nagsisiksikan sa ilalim ng maliliit na punongkahoy.
8. Wala silang halaga, walang nakakakilala at pinalayas pa sa kanilang lupain.
9. “At ngayon, paawit pa kung kutyain ako ng kanilang mga anak at naging katatawanan pa ako sa kanila.
10. Namumuhi sila at umiiwas sa akin. Hindi sila nangingiming duraan ako sa mukha.