27. Tumira ang mga Israelita sa Goshen na sakop ng Egipto. Nagkaroon sila roon ng lupain at dumami pa ang lahi nila.
28. Tumira si Jacob sa Egipto sa loob ng 17 taon, nabuhay siya hanggang 147 taon.
29. Nang naramdaman niyang malapit na siyang mamatay, tinawag niya si Jose at sinabi, “Kung maaari, ilagay mo ang kamay mo sa pagitan ng dalawang hita ko at manumpa ka na ipagpapatuloy mo ang pagpapakita ng iyong kagandahang-loob sa akin. Huwag mo akong ilibing dito sa Egipto.
30. Kapag namatay na ako, ilibing mo ako sa libingan ng aking mga ninuno.”Sumagot si Jose, “Gagawin ko po ang sinasabi ninyo.”