13. Ha Tamare a bolellwa, ho thwe: “Matsala hao o nyolohela Timina ho ya kuta dinku tsa hae,”
14. a hlobola diaparo tsa hae tsa bohlolohadi, a ikgurumetsa ka lesira, a ithatela ka lona, mme a dula kgorong ya Enaime, e tseleng e yang Timina. Tamare o ne a se a bone hore Shela o hodile, empa o ne a eso mo newe hore e be mosadi wa hae.
15. Ha Juda a mmona, a hopola hore ke seotswa, hobane o ne a ikgurumeditse sefahleho.
16. A fapohela ho yena kathoko ho tsela, mme a re: “Tloo, re robale le wena.” O ne a sa tsebe hore ke ngwetsi ya hae.Tamare a re: “O tla nneang, e le hore o tle o kene dikobong tsa ka?”
17. A re: “Ke tla o romella potsanyane e tswang mohlapeng wa ka.”Yaba Tamare o re: “Na o tla bea dintho paneng ho fihlela o e romela?”