14. Kamora hoba Lota le Aborame ba arohane, Morena a re ho Aborame: “Ako phahamise mahlo, mme o tadime ho tloha sebakeng seo o leng ho sona, ho ya leboya le borwa, le botjhabela le bophirimela.
15. Naha yohle eo o e bonang ke tla o nea yona le ditloholo tsa hao kamehla yohle.
16. Ditloholo tsa hao di tla ba kaalo ka lerole la lefatshe, mme haeba ho na le motho ya ka balang lerole la lefatshe, le ditloholo tsa hao a ka di bala.
17. Ema, o tsamaye le naha eo ka bonamo ba yona, hobane ke tla o nea yona.”
18. Aborame a kgokgotholla ditente tsa hae, a ya aha difateng tsa eike tsa Mamore, tse Heborone, mme a hahela Morena aletare teng.