1. Bafarisi le Basaduke ba tla ho Jesu, mme ka ho mo leka ba kopa hore a ke a ba bontshe sesupo se tswang lehodimong.
2. A ba araba, a re: “Ha ho phirimile le ye le re: <Letsatsi le tla ba letle, hobane lehodimo le lefubedu.>
3. Hoseng le re: <Kajeno ho tla ba le sefefo, hobane lehodimo le bofubedu bo lefifi.> Le tseba ho hlalosa sebopeho sa lehodimo; athe le sitwa ho hlalosa ditshupo tsa dinako tsee!
4. Moloko o kgopo, wa bakwenehi, o batla sesupo, empa o ke ke wa newa sesupo, haese sa Jonase.” Yaba o tloha ho bona, o a ikela.
5. Ha barutuwa ba tshelela mose wane, ba lemoha hore ba lebetse ho inkela bohobe.
6. Jesu a re ho bona: “Ebang sedi, le hlokomele tomoso ya Bafarisi le Basaduke.”