11. Yare hoba Heroda le bahlabani ba hae ba mo nyedise, ba mo some, ba mo apesa seaparo se mahadihadi, mme Heroda a mo kgutlisetsa ho Pilato.
12. Ka lona letsatsi leo Heroda le Pilato ya eba metswalle, athe pele e ne e le dira.
13. Jwale Pilato a bitsa baprista ba baholo, le babusi, le batho,
14. a re ho bona: “Le tlisitse monna enwa ho nna e le ya kgelosang batho, empa bonang, nna, ha ke mmotsisisa moo le leng teng, ha ke a fumana molato ho yena ka tseo le mo qosang ka tsona.
15. Le Heroda ha a ya o fumana, hobane o mo kgutliseditse ho rona. Ha ho letho leo a le entseng le ka lokelang lefu.
16. Ka baka leo, ke tla mo shapa, ke nto mo lokolla.”
17. Jwale o ne a tlameha ho ba lokollela motho a le mong ka mokete o mong le o mong wa Paseka.
18. Empa bohle ba howa hammoho, ba re: “Bolaya enwa, o re lokollele Barabase!”