10. Baprista ba baholo le Ditsebi tsa Molao ba ne ba eme ba mo qosa ka matla.
11. Yare hoba Heroda le bahlabani ba hae ba mo nyedise, ba mo some, ba mo apesa seaparo se mahadihadi, mme Heroda a mo kgutlisetsa ho Pilato.
12. Ka lona letsatsi leo Heroda le Pilato ya eba metswalle, athe pele e ne e le dira.
13. Jwale Pilato a bitsa baprista ba baholo, le babusi, le batho,
14. a re ho bona: “Le tlisitse monna enwa ho nna e le ya kgelosang batho, empa bonang, nna, ha ke mmotsisisa moo le leng teng, ha ke a fumana molato ho yena ka tseo le mo qosang ka tsona.
15. Le Heroda ha a ya o fumana, hobane o mo kgutliseditse ho rona. Ha ho letho leo a le entseng le ka lokelang lefu.