28. Lona le ba ileng ba ema le nna ha ke ne ke lekwa.
29. Jwalokaha Ntate a nkgethetse Mmuso, le nna ke le kgethela wona,
30. hore le je, le nwe tafoleng ya ka Mmusong wa ka. Le tla dula diteroneng le ahlole meloko e leshome le metso e mmedi ya Iseraele.
31. “Simone, Simone, bona, Satane o le kopile hore a le hlokole jwaloka koro,
32. empa ke o rapeletse hore o se ke wa fellwa ke tumelo. Jwale wena, ha o se o bakile, o matlafatse bana beno.”
33. Simone a re ho yena: “Morena, ke itokiseditse ho ya le wena tjhankaneng le lefung.”
34. Empa Jesu a re: “Petrose, ke a o bolella hore kajeno, pele mokoko o lla, o tla be o se o ntatotse hararo, o re ha o ntsebe.”