17. hobane Molao o neilwe batho ka Moshe, empa mohau le nnete di bile teng ka Jesu Kreste.
18. Ha ho ya kileng a bona Modimo le ka mohla; Mora ya tswetsweng a nnotshi, eo e leng Modimo, ya leng sefubeng sa Ntate, ke yena ya re tsebisitseng Modimo.
19. Bopaki ba Johanne ke bona, mohla Bajuda ba romileng baprista le Balevi ho yena ba etswa Jerusalema, hore ba mmotse: “O mang?”
20. A bolela, a sa latole, a re: “Nna ha ke Kreste.”
21. Ba mmotsa, ba re: “Ha ho le jwalo o mang? Na o Elia?”A re: “Ha ke yena.”“Na o Moporofeta?”A araba, a re: “Tjhe.”