4. “Moprista o tla nka seroto matsohong a hao, a se bee fatshe kapele ho aletare ya Morena Modimo wa hao.
5. Jwale wena o tla bua o le kapele ho Morena Modimo wa hao, o re: <Ntate e ne e le Moarame wa moleleri, a theohela Egepeta, a jaka teng le batho ba mmalwana. Empa ha a se a le moo ya eba setjhaba se seholo, se matla, se sengata.
6. Baegepeta ba re tshwara hampe, ba re hlorisa, ba re sebedisa ka thata.
7. Yaba re llela Morena Modimo wa bo-ntata rona, mme Morena a utlwa sello sa rona, a bona matshwenyeho a rona, le mosebetsi wa rona o boima, le kgatello ya rona.
8. Morena a re ntsha naheng ya Egepeta ka matla a hae a maholo, le ka letsoho le otlolohileng, le ka ditshoso tse kgolo, le ka dipontsho, le ka mehlolo.
9. A re tlisa sebakeng sena, a re nea naha ena, e leng naha e phallang lebese le mahe a dinotshi.
10. Jwale bona, ke tlisitse dilopotsiya tse tswang mobung oo o nneileng wona, Morena.> O tla di bea fatshe, kapele ho Morena Modimo wa hao, o mo kgumamele.