32. “Empa hodima tsena tsohle, ha le eso ka le tshepa Morena Modimo wa lona;
33. e leng yena ya le etellang pele leetong, ho le batlela sebaka seo le tla hloma ho sona. Bosiu o le etella pele ka mollo, motsheare ka leru, ho le bontsha tsela eo le tla tsamaya ka yona.
34. “Morena o ile a utlwa dipolelo tsa lona, a halefa, mme a ikana, a re:
35. <Ruri ha ho le ya mong wa banna bana ba moloko ona o kgopo, ya tla bona naha e ntle, eo ke ileng ka hlapanya hore ke tla e nea bo-ntata lona.
36. Ke Kalebe feela, mora wa Jefune, ya tla e bona, mme yena le bara ba hae ke tla ba nea naha eo, eo yena a kileng a tsamaya hodima yona, hobane yena o latetse Morena ka ho tlala.>
37. “Le nna Morena o ile a nkgalefela ka baka la lona, a re: <Le wena o ke ke wa kena naheng eo.