19. Bana beso, re na le tshepo e tiileng ya ho kena ka Sehalalelong ka madi a Jesu.
20. Re na le tsela e ntjha, e phelang, eo a re buletseng yona ka ho phunyeletsa lesira, e leng botho ba hae.
21. Re na le Moprista ya Phahameng, ya okametseng ba ntlo ya Modimo.
22. Kahoo a re atameleng ka dipelo tse tshepahalang, le ka tumelo e tletseng, re hlwekisitswe dipelo ho kgutsisa matswalo a rona, re hlatswitswe mmele ka metsi a hlwekileng.
23. A re tiisetseng ho bolela tshepo ya rona re sa thekesele, hobane ya re tshepisitseng o a tshepahala.
24. A re hlokomelaneng, mme re kgothaletsaneng leratong le mesebetsing e metle.