1. Ka selemo sa leshome le metso e robedi sa puso ya kgosi Jeroboame, Abiya a qala ho busa naha ya Juda.
2. O ile a busa ka dilemo tse tharo, a le Jerusalema. Lebitso la mmae e ne e le Mmikiya, moradi wa Uriele, wa motse wa Gibea.Ntwa ya qhoma pakeng tsa Abiya le Jeroboame.
3. Abiya a thea theko ya ntwa ka mokgetho wa bahale ba dikete tse makgolo a mane. Jeroboame le yena a thea theko ya ntwa ka mokgetho wa bahale ba dikete tse makgolo a robedi.
4. Abiya a ema hodima thaba ya Semaraime, e naheng e maralla ya Efraime, a howeletsa, a re: “Wena Jeroboame, le lona Baiseraele bohle, mmameleng!