7. Bara ba Gereshone e ne e le Ladane le Shimei.
8. Bara ba Ladane ba ne ba le bararo: Letsibolo e ne e le Jehiele, a hlahlangwa ke Setame, le Joele.
9. Bara ba Shimei le bona ba ne ba le bararo, e le Shelomite, le Hasiele, le Harane. Bana e ne e le dihlooho tsa lelapa la Ladane.
10. Bara ba Shimei ba ne ba le bane, e le Jahate, le Sisa, le Jeushe, le Beriya.
11. Jahate e ne e le yena hlooho, a hlahlangwa ke Sisa. Jeushe le Beriya ha ba a ka ba eba le bana ba bangata; ka baka leo, ba balellwa mmoho ho phetha mosebetsi o le mong.
12. Bara ba Kohate ba ne ba le bane, e le Amorame, le Isihare, le Heborone, le Usiele.
13. Bara ba Amorame e ne e le Arone le Moshe. Bo-Arone le bara ba hae ba kgethelwa hore kamehla yohle ba hlokomele dintho tse halalelang haholo, ba tjhesetse Morena mokubetso, ba mo sebeletse, ba hlohonolofatse setjhaba ka lebitso la hae kamehla.