2. Yaba setjhaba se howeletsa ho Moshe, mme Moshe a rapela Jehova, mme mollo wa tima.
3. Yaba sebaka seo se rewa lebitso la Tabeera, kahobane mollo wa Jehova o ne o tukile hara bona.
4. Le bona baditjhaba ba leng hara bona ba tshwarwa ke boshwata; esita le bona bana ba Iseraele ba boela ba lla, ba re:
5. Ke mang ya tla re fa nama, re je? Re sa hopotse dihlapi tseo re neng re di ja Egepeta re sa di reke, le dikomkomere, le mahapu, le sholoto, le dieie, le sofothafotha;
6. mme jwale, meya ya rona e omeletse; ha ho sa le letho; mahlo a rona a se a bona manna feela.