16. Hapehape, ka sebetsa mosebetsi wa lerako leo ka matla, mme ha re a ka ra rua masimo; le bahlanka ba ka kaofela ba ne ba bokelletswe mosebetsi.
17. Tafoleng ya ka, ho ne ho dula Bajuda le mahosana, banna ba lekgolo le nang le mashome a mahlano, kantle ho ba neng ba etla ba etswa ditjhabeng tse ka mathoko ho rona.
18. Haele ho neng ho apehelwa tsatsi le leng le le leng, ke ne ke apehelwa kgomo e nngwe le dinku tse tsheletseng tse kgethilweng le dikgoho; le veine e ngata e mefutafuta, ka leshome le leng le le leng la matsatsi. Leha ho le jwalo, bakeng sa tseo, ha ke a ka ka batla bohobe ba mmusisi, kahobane tshebeletso ena e ne e le boima hodima setjhaba sena.
19. Oho, Modimo wa ka, elellwa tsohle tseo ke di etseditseng setjhaba sena, o nketse hantle ka baka la tsona!