1. Jwale bokella makgotla a hao, Sione, moradi wa makgotla! Re se re ya thibellwa ke dira; ka molamu ba wahlela moahlodi wa Iseraele lerameng!
2. Empa, haele wena, Bethlehema-Efrata, leha o balwa o le monyenyane hara meloko ya Juda, ho wena ho tla ntswela eo e tla ba morena wa Iseraele, e leng yena ya leng teng esale tshimolohong, esale mehleng e sa qaleng.
3. Ka baka leo, o tla ba neela dira ho tle ho be ho fihle nako eo mobelehi a tla beleha ka yona; mme babababo ba setseng ba tla be ba kgutle hammoho le bara ba Iseraele.