18. A re: Eyang motseng, ho nnyeo, le re ho yena: Moruti o re: Nako ya ka e haufi; ke tla etsa Paseka ha hao le barutuwa ba ka.
19. Barutuwa ba etsa jwalokaha Jesu a ba laetse, mme ba lokisa Paseka.
20. Ka nako ya shwalane, Jesu a dula dijong le barutuwa ba leshome le metso e mmedi.
21. Ba ntse ba eja, a re ho bona: Kannete ke re ho lona: E mong wa lona o tla nkeka.
22. Yaba ba swaba haholo, mme e mong le e mong a qala ho mmotsa, a re: A ke nna, Morena?
23. A araba a re: Ya kentseng letsoho morifing le nna, ke yena ya tla nkeka.