20. Jesu a re ho bona: Ke ka baka la ho se dumele ha lona; hobane kannete ke re ho lona: Hoja le na le tumelo e ka ka hlaku ya mosetareta, leha le be le ka re ho thaba ena: Fallela mane; e ka fallela teng, mme ho ka be ho se letho le le sitang.
21. Empa mofuta oo wa batemona ha o tswe, haese ka thapelo le ka ho itima dijo.
22. Ha ba sa ya le Galelea, Jesu a re ho bona: Mora motho o tla neelwa matsohong a batho.
23. Ba tla mmolaya, empa o tla tsoha ka tsatsi la boraro. Yaba barutuwa ba swaba haholo.
24. Eitse ha ba fihla Kapernauma, ha tla ho Petrose ba bokellang didrakema, ba re ho yena: Ana moruti wa lona ha a ntshe didrakema na?
25. A re: Tjhe, o a e ntsha. Eitse hobane a kene tlung, Jesu a mo qala, a re ho yena: Ho jwang ho wena, Simone? Marena a lefatshe a nka lekgetho la kgwebo le la lehae ho bafe? Na a ke ho bana ba wona, kapa a ke ho ba ditjhaba tse ding na?
26. Petrose a re ho yena: Ke ho ba ditjhaba tse ding. Jesu a re ho yena: Ha ho le jwalo bana bona ba lokolohile lekgethong.