Jeremia 3:21-24 BIBELE e Halalelang (SSO61SO)

21. Lentswe le utlwahala dithoteng tse phahameng, ke dillo le merapelo ya bana ba Iseraele, hobane ba kgopamisitse tsela ya bona, ba lebetse Jehova, Modimo wa bona.

22. Kgutlang, bana ba kwenehileng, mme ke tla fodisa bokwenehi ba lona. Bona, re ya tla ho wena, hobane o Jehova, Modimo wa rona.

23. Efela poloko e tswang maralleng le dithabeng ke thetso feela; efela pholoho ya Iseraele e ho Jehova, Modimo wa hae.

24. Dihlong di jele mofufutso wa bontata rona esale le botjheng ba rona, dinku tsa bona le dikgomo tsa bona, bara ba bona le baradi ba bona.

Jeremia 3