1. Lentswe la Jehova la tla ho nna, la re:
2. O se ke wa nyala mosadi, o se ke wa ba le bara le baradi nqalong ena.
3. Hobane ho itswe ke Jehova bakeng sa bara le bakeng sa baradi ba ka tswalwang nqalong ena, le bakeng sa bomma bona ba ba belehang, le bakeng sa bontata bona ba ba tswalang fatsheng lena:
4. Ba tla shwa mafu a mabe, ba sa llelwe, ba sa epelwe, mme e tla ba moitedi hodima lefatshe; ba tla bolawa ke lerumo le ke tlala, ditopo tsa bona di jewe ke manong a lehodimo le ke dibatana tsa lefatshe.
5. Hobane ho itswe ke Jehova: O se ke wa kena ka tlung ya dillo, o se ke wa ya ho bona ho lla le bona, le ho ba utlwela bohloko, hobane ke tlositse kgotso ya ka ho setjhaba sena, ho bolela Jehova, le lereko le mehauhelo ya ka.
6. Ba tla shwa lefatsheng lena, ba baholo le ba banyenyane, ba sa epelwe, ba sa llelwe, ho sa iphatsetswe, ho sa ikutelwe bona.
7. Ha ho e mong wa bona ya tla ngwathelwa bohobe dillong ho mo tshedisetsa mofu wa hae, mme ha ba ka ke ba noswa seno sa tshediso ka baka la ntata bona, leha e le mma bona.