23. Saule le Jonathane ba ne ba rateha, ba kgahleha ho pheleng ha bona; le ho shweng ha bona ha ba ka ba kgaohanngwa; ba ne ba le lebelo ho feta dintsu, ba le matla ho feta ditau.
24. Oho, barwetsana ba Iseraele, llelang Saule ya neng a rata ho le apesa ka sekarelata, ya neng a homa diaparo tsa lona ka mekgabo ya kgauta.
25. Dinatla di wele jwang bohareng ba ntwa? Jonathane o bolaetsweng diphahameng tsa hao?
26. Ke tsielehile ka baka la hao, Jonathane, ngwaneso: o ne o kgahleha ho nna; lerato la hao ho nna e ne e le le makatsang, le fetang lerato la basadi!
27. Dinatla di wele jwang? Dihlomo tsa ntwa di timetse jwang?