16. Ka selemo sa bohlano sa Jorame, mora Akabe, morena wa Iseraele, [Josafate e le morena wa Juda,] Jorame, mora Josafate, morena wa Juda, a qala ho busa.
17. O ne a le dilemo tse mashome a mararo a metso e mmedi, ha a qala ho busa, a busa ka dilemo tse robileng meno e le mmedi Jerusalema.
18. A tsamaya ka mehlala ya marena a Iseraele, kamoo ntlo ya Akabe e entseng kateng, hobane a ne a nyetse moradi wa Akabe; a etsa ho leng hobe mahlong a Jehova.
19. Leha ho le jwalo, Jehova ha a ka a rata ho timetsa Juda, ka baka la Davida, mohlanka wa hae, jwalokaha a ne a mmoleletse, a re, o tla mo nea lebone la kamehla hara bara ba hae.
20. Mehleng ya hae, Baedomo ba fetohela Juda, ba ipehela morena.
21. Jorame a ya Tsaire ka makoloi a hae wohle; bosiu a tsoha, a qhala Baedomo ba mo teetseng hare, le balaodi ba makoloi, ba ba ba balehela tenteng tsa bona.