2. Eitse Jeroboame, mora Nebathe, ha a utlwa — o ne a le Egepeta moo a neng a balehetse teng ke ho tshaba morena Salomone — Jeroboame a kgutla Egepeta.
3. Ba romela ho ya mmitsa; yaba Jeroboame le Baiseraele bohle ba tla, ba bolella Roboame, ba re:
4. Ntatao o re jarisitse joko e boima; jwale o qephise tshebetso e thata ya ntatao le joko e boima eo a neng a re jarisitse yona, mme re tla o sebeletsa.
5. A re ho bona: Boelang ho nna kamora ditshiu di le tharo. Mme setjhaba sa ya.
6. Yaba morena Roboame o botsa banna ba baholo ba neng ba eme pela ntatae Salomone, ha a sa phela, a re: Nkeletseng, taba ke efe eo ke tla araba setjhaba sena ka yona na?