4. Haele ka lona, re tshepile ka baka la Morena hoba le etsa tseo re le laelang tsona, le hoba le ya nne le di etse.
5. Morena a ke a lebise dipelo tsa lona leratong la Modimo le mamellong ya Kreste.
6. Re a le laela, banabeso, ka lebitso la Jesu Kreste, Morena wa rona, hore le arohane le moena ofe le ofe ya sa tsamayeng ka molao le ka thuto eo a e amohetseng ho rona.
7. Hobane le lona le tseba kamoo re tshwanetseng ho etsiswa kateng, hobane ha re a ka ra tsamaya hara lona ka mokgwa o hanwang ke molao.
8. Hape, ha re a ka ra ja bohobe ba motho feela, re mpa re sebeditse motshehare le bosiu ka thata le ka kgathalo, hore re tle re se ke ra imetsa motho hara lona.
9. E seng hoba re hloka tokelo e jwalo, empa e le ho le etsetsa mohlala, le tle le re etsise.
10. Hobane enere ha re sa le ha heno, re kile ra le laela, ra re: Ekare ha e mong a hana ho sebetsa, a se ke a ja le hona.
11. Athe re utlwa hobane ba bang ba heno ba tsamaya ka mokgwa o hanwang ke molao; ha ba sebetse, mme ba kena ditabeng tseo e seng tsa bona.
12. Ba jwalo re a ba laela, mme re ba kgothatsa ka Morena wa rona Jesu Kreste, hore ba sebetse ba kgutsitse, mme ba je bohobe boo e leng ba bona.
13. Empa lona, banabeso, le se ke la kgathala ho etsa hantle.
14. Ekare ha e mong a sa utlwe mantswe a rona a lengolo lena, eo le mo kgethe, mme le se ke la kopana le yena, a tle a be le dihlong.
15. Leha ho le jwalo, le se ke la mo etsa sera, le mpe le mo eletse ka ho re, ke ngwanabo lona.