22. Ha nka re ho mohlankana: Bona, metsu e ka nqane ho wena, teng o ka ikela; etlaba Jehova o re o tlohe.
23. Haele taba eo re e buileng nna le wena, bona, Jehova o tla nne a be mahareng a ka le wena ka ho sa feleng.
24. Ebile Davida o ipata naheng. Kgwedi ha e thwasitse, morena a dula dijong, a ja.
25. Morena o ne a dutse setulong sa hae sa mehla, e leng setulo se pela lebota, Jonathane yena a eme, Abnere a dutse mabapa le Saule; setulo sa Davida sona se ne se le feela.