30. A kgaohana le yena kahoo, a leba ho e mong, a bua tsona tsena; mme setjhaba sa mo phetela jwaloka pele.
31. Yare ha mantswe a buwang ke Davida a utlwahala, ba a pheta pela Saule, mme Saule a mmitsa.
32. Davida a re ho Saule: Ho se ke ha eba ya felang pelo ka baka la motho eo; mohlanka wa hao o tla ya, a lwane le Mofilesta eo.
33. Saule a re ho Davida: O ke ke wa lwana le Mofilesta eo, etswe o sa le mohlankanyana; yena ke monna wa ntwa haesale le botjheng ba hae.