20. Yaba Lea o re: Modimo o ntshitsitse ka neo e ntle; jwale, monna wa me o tla dula ha ka, hobane ke mo tswaletse bara ba tsheletseng. Mme a mo rea lebitso la Sabulone (moaho).
21. Kamorao, a tswala moradi, a mo rea lebitso la Dina.
22. Yaba Modimo o hopola Ragele, Modimo wa ba wa mo utlwa, wa thibolla popelo ya hae.
23. A emola, a tswala mora, a re: Modimo o tlositse sekgobo sa me.
24. Mme a mo rea lebitso la Josefa (kekeletso), a re: Jehova a nkekeletse mora e mong.