16. Eitse ha Jakobo a oroha naheng mantsiboya, Lea a tswa, a ya mo kgahlanyetsa, a re: O tla tla ha ka, hobane ke o ananne ruri ka diduda tsa mora wa me. Yaba o robala le yena ka bosiu boo.
17. Jwale Modimo wa utlwa Lea, mme a emola, a tswalla Jakobo mora wa bohlano.
18. Lea a re: Jehova o nneile moputso wa me, kamoo ke neileng monna wa me lekgabunyane la me. A mo rea lebitso la Issaskare (moputso).
19. Lea a boela a emola, a tswalla Jakobo mora wa botshelela.
20. Yaba Lea o re: Modimo o ntshitsitse ka neo e ntle; jwale, monna wa me o tla dula ha ka, hobane ke mo tswaletse bara ba tsheletseng. Mme a mo rea lebitso la Sabulone (moaho).
21. Kamorao, a tswala moradi, a mo rea lebitso la Dina.
22. Yaba Modimo o hopola Ragele, Modimo wa ba wa mo utlwa, wa thibolla popelo ya hae.
23. A emola, a tswala mora, a re: Modimo o tlositse sekgobo sa me.