8. O etse bohlale ntho e hlokolotsi, mme bo tla o phahamisa; ha o bo kopa ka matsoho, bo tla o phahamisa.
9. Bo tla o kgabisa hlooho ka mokgabo o bohehang, bo o rwese moqhaka wa kganya.
10. Mamela, mora ka; o amohele dipuo tsa me, dilemo tsa ho phela ha hao di lelefatswe.
11. Hobane ke o ruta tsela ya bohlale, ke o tsamaisa mmileng wa ho loka.
12. Ha o tsamaya teng, o ke ke wa patiswa maoto; mme ha o matha, o ke ke wa kgoptjwa.
13. Tshwara tayo ka matla, o se ke wa e lesa ya phonyoha, o e boloke, hobane ke bophelo ho wena.
14. O se ke wa kena tseleng ya ba bolotsana, o se ke wa hata le mmileng wa bakgopo.
15. Sikoloha, o se ke wa ba wa leba teng, o kgelohe, o iphetele.
16. Hobane ha ba na ho robala ba eso ho ka ba etsa bobe; ba fadimehiswa ke ho ngongoreha, ha ba sa ka ba diha motho pele.
17. Hobane bohobe boo ba bo jang ke bobe, lonya ke veine eo ba e nwang.
18. Tsela ya ba lokileng e jwaloka lesedi le kganyang, le ntseng le eketsa ho kganya ho fihlela motshehare o moholo o phethehileng.