15. Bo fetisa diperela ka bohlokwa, tsohle tse lakatsehang ha di lekane le bona.
16. Bo kakatletse bolelele ba ditshiu letsohong le letona, le menono le boholo letsohong le letshehadi.
17. Ditsela tsa bona ke ditsela tse kgahlehang, mebila ya bona ke kgotso.
18. Ke sefate sa bophelo ho ba bo ruileng, ba bo lotolotsang ba na le lehlohonolo.
19. Jehova o theile lefatshe ka bohlale, o adile mahodimo ka kelello.
20. Ka ho tseba ha hae metsi a tebileng a biloha, mme maru a rothisa phoka.
21. Mora ka, tseo di se ke tsa ba tsa tloha pela hao, boloka bohlale le kutlwisiso;
22. mme e tla ba bophelo moyeng wa hao, le kgabiso molaleng wa hao.
23. Ke moo o tla tsamaya o ntse o tiile tseleng ya hao; leoto la hao le ke ke la kgoptjwa.
24. Leha o ya robala, o ke ke wa tshoha; ha o se o kgalehile, boroko ba hao bo tla ba monate.
25. U ke ke wa tshaba letsoso le sehloho, leha e le sefefo se tlang ho timetsa ba babe.
26. Hobane Jehova e tla ba tshepo ya hao, a phemise leoto la hao sefi.