9. Mawatla a swaswa ka sebe, empa ba lokileng ba thabelana.
10. Pelo e itsebela ho baba ha yona; le teng, ho thaba ha yona ho ke ke ha kopanelwa ke motho e mong.
11. Ntlo ya e mobe e tla ripitlwa; empa motlotlwane wa ba lokileng o tla tiya.
12. Mohlomong, ho motho, tsela e nngwe e bonahala e ntse eka e lokile, athe bofello ba yona bo isa lefung.
13. Motho leha a tsheha, pelo ya hae e ntse e hlomohile, mme qetello ya thabo ke maswabi.
14. Ya pelo e ikgakanyang o tla tenwa ke mekgwa ya hae; empa motho ya lokileng o tla thabiswa ke diketso tsa hae.
15. Sethoto se dumela ditaba tsohle; empa ya nang le kelello o qamakisisa moo a hatang teng.
16. Ya bohlale o na le tshabo, o sesefa bobe; empa ya thotofetseng o tlatselela feela, mme o a itshepa.
17. Motho ya bohale o etsa tsa bowatla, mme ya ditaba tse lonya o a hlouwa.