1. Oho Modimo, o se ke wa thola, o se ke wa thibana ditsebe, o se ke wa dula o ikgutseditse, Modimo.
2. Hobane dira tsa hao di a dumaduma, ba o hloyang ba emisa dihlooho;
3. ba rera setjhaba sa hao ka ho se lohela mano, ba botsana hodima ba sirelwang ke wena.
4. Ba re: Tloong, re ba fedise hara ditjhaba, lebitso la Iseraele le se ke la hlola le bolelwa!
5. Ba botsana ba le pelo e le nngwe, ba etsa selekane ho o lwantsha:
6. e leng ba ditenteng tsa Edomo, le Baishmaele, Bamoabe, le Bahagarene,
7. Gebale, le Ammone, le Amaleke, le Bafilesta hammoho le baahi ba Tire;