4. Pelo ya ka e thothomela kahare ho nna, matshabeho a lefu a ntshwere.
5. Tshabo le thothomelo di nkeneletse, tshoho e nkimetse.
6. Ka re: Ke mang ya ka mphang mapheo a jwaloka a leebakgorwana,
7. ka iphofela, ka ya aha phomolong. Ke be ke ya balehela hole, ke hlome ntlo feelleng; (Sela.)
8. ke phakise ke fumane lehaha le mpolokang moyeng le sefefong.
9. A ba ke ba fele, Morena; o sitise dipuo tsa bona; hobane ke bone sehloho le diphapang motseng.
10. Di potoloha marakong a wona motshehare le bosiu; bokgopo bo dutse hara wona le bomadimabe;
11. tshenyeho e ikaheletse teng, botubo le thetso ha di suthe mapatlelong a wona.
12. Bonang, hola ke sera se nnyedisang, nka be ke mamella; hola ya ntlhoyang ke yena ya ntsohelang matla, nka be ke ipatela yena;
13. empa ke wena, monna eo o leng mokana e motswalle wa ka;
14. wena motshepuwa eo re neng re buisana le wena hamonate, eo re neng re ya le wena ka tlung ya Modimo re ena le setjhaba!
15. Lefu a le ke le ba tshware sehloho, ba tle ba theohele nqalong ya bafu ba sa utlwa! hobane bolotsana bo matlung a bona, bo mahareng a bona.
16. Haele nna, ke ntse ke howeletsa ho Modimo, mme Jehova o tla mpoloka.
17. Mantsiboya, le hosasa, le motshehare, ke ntse ke dumaela, ke sisa pelo, mme o tla utlwa lentswe la ka.