2. Jehova, Modimo wa ka, ka na ka howa ho wena, mme o mphodisitse.
3. Jehova, o nyolotse moya wa ka nqalong ya bafu, o ntsositse, hore ke se theohele lebitleng.
4. Binelang Jehova, lona bakgethwa ba hae, le rorise lebitso la hae le halalelang.
5. Hobane kgalefo ya hae ke ya motsotso feela, empa mohau wa hae o tshwere bophelo bohle ba motho; leha dillo di ka fapohela ho rona bosiu, hosasa e se e le nyakallo.
6. Ho iketleng ha ka, ke fela ke ne ke itse: Nke ke ka sisinyeha le ka mohla o le mong!
7. Jehova, o ne o tiisitse thaba ya ka ka mohau wa hao; empa o kile wa pata sefahleho sa hao, mme ka tsieleha.