1. Nkahlolele, Jehova! hobane ke phela ka toka ya ka; ke itshepetse Jehova, ha ke sisinyehe.
2. O ntekole, Jehova, o batlisise ho nna! O leke letheka la ka le pelo ya ka!
3. Hobane mohau wa hao o pela mahlo a ka, mme ke latela nnete ya hao.
4. Ha ke dule le batho ba ratang leshano, ha ke etelane le baikaketsi.
5. Ke hloile mokgatlo wa ba bolotsana, ha ke dudisane le batho ba babe.
6. Ke hatlela matsoho a ka ho lokeng, ke pota aletare ya hao, Jehova,
7. ke ntse ke kgeleketsa lentswe la diteboho le ho bolela mehlolo ya hao kaofela.