57. KHETH. Jehova ke kabelo ya ka; ke re ke tla boloka mantswe a hao.
58. Ke batlile sefahleho sa hao ka pelo yohle ya ka; o nkgauhele ka pallo ya hao.
59. Ke nahana metsamao ya ka, ke lebisetsa maoto a ka dikeletsong tsa hao.
60. Ke a phakisa, ha ke diehe ho boloka ditaelo tsa hao.
61. Meqetjhe ya ba babe e nteetse hare; empa ha ke lebale molao wa hao.
62. Ke tsoha bosiu bo boholo ho o rorisa, bakeng sa dikahlolo tsa ho loka ha hao.
63. Ke tlwaelane le bohle ba o tshabang, le ba bolokang ditemoso tsa hao.
64. Jehova, lefatshe le tletse mohau wa hao; o nthute dikomelo tsa hao!
65. TETH. Jehova, o etsetsa mohlanka wa hao molemo kamoo o mmaletseng kateng.
66. O nthute kutlwisiso e ntle le tsebo, hobane ke dumetse ditaelo tsa hao.