37. Ba hlabela medimo ya bohata bara le baradi ba bona,
38. ba tsholla madi a se nang molato, madi a bara ba bona le a baradi ba bona, bao ba ba hlabetseng ditshwantsho tsa Kanana; mme naha ya silafala ke madi.
39. Ba itshela ditshila ka mesebetsi ya bona le ka diketso tsa bootswa ba bona.
40. Yaba kgalefo ya Jehova e tukela setjhaba sa hae, mme lefa la hae ya eba ntho e manyala ho yena;
41. a ba neela matsohong a ditjhaba; ba ba hloileng ba ba busa;
42. ba tujwa ke dira tsa bona, ba kokobetswa tlasa matsoho a tsona.