27. Jehova o tla o otla ka mofetshe wa Egepeta le ka dithopane, le ka lekgwekgwe, le ka lekgopho le ke keng la fola.
28. Jehova o tla o otla ka bohlanya, le ka bofofu, le ka ho ferekanngwa ha pelo.
29. O tla phopholetsa motshehare jwaloka sefofu se phopholetsang lefifing. O ke ke wa atleha ditabeng tsa hao. O tla hatakelwa, dintho tsa hao di hapuwe kamehla, ho se motho ya o namolelang.
30. O tla nyala mosadi, mme e mong o tla robala le yena; o tla haha ntlo, empa ha o ka ke wa dula ho yona; o tla hloma morara, empa ha o ka ke wa ikotulela ditholwana tsa wona.
31. Dikgomo tsa hao di tla hlajwa mahlong a hao, mme ha o ka ke wa ja nama ya tsona; o tla amohuwa diesele tsa hao pontsheng ho wena, mme di ke ke tsa boela ho wena. Dira tsa hao di tla newa dinku tsa hao, mme o tla hloka ya o namolelang.
32. Bara ba hao le baradi ba hao ba tla neelwa setjhaba sesele, mme mahlo a hao a tla bona hoo, mme a tla teneha ke ho ba lebella letsatsi lohle, mme matla a tla ba siyo matsohong a hao.