39. Gaale a tswa pontsheng ho beng ba Sikeme, mme a lwana le Abimeleke.
40. Abimeleke a mo phallela, Gaale a baleha, mme ba bangata ba wa ba bolailwe, ho ya fihla kgorong.
41. Abimeleke a ema Aruma, Sebule yena a leleka Gaale le banababo, hore ba se hlole ba aha Sikeme.
42. Ka le hlahlamang, batho ba tswela naheng, mme Abimeleke a tsebiswa.
43. Yaba o nka batho ba hae, a ba arola hlopha tse tharo, mme a ba bea ho lalla naheng. Eitse ha a tadima, a bona batho ba etswa motseng; mme a nehella ho bona, a ba bolaya.