32. Baasere ba nna ba aha le Bakanana ba ahileng naheng eo, ba se ke ba ba leleka.
33. Nefthali yena ha a ka a leleka ba ahileng Bethe-Shemeshe, leha e le ba ahileng Bethe-Anathe; a nna a aha le Bakanana ba ahileng naheng eo; ba ahileng Bethe-Shemeshe le Bethe-Anathe ba mpa ba mo ntshetsa lekgetho.
34. Baamore ba patisa bana ba Dane dithabeng, ba se ke ba ba dumella ho theohela lehwatateng.
35. Kahoo, Baamore ba hanella Hare-Herese, le Ajalone, le Shaalbime; leha ho le jwalo, ba ntlo ya Josefa ba ba imela, ba ba ba ntshiswa lekgetho.
36. Haele naha ya Baamore e ne e tloha thabeng ya Akrabbime, lefikeng, le ho ya nqa hodimo.