17. E tani, vëllezër, e di se keni vepruar nga padija, sikurse bënë edhe krerët tuaj.
18. Perëndia përmbushi kështu atë që kishte paralajmëruar ai vetë përmes gjithë profetëve, se Krishti do të vuante.
19. Prandaj pendohuni e kthehuni që t’ju shlyhen mëkatet,
20. që të vijë koha kur Zoti do t’ju përtërijë me praninë e tij, duke ju dërguar Krishtin Jezu që e kishte caktuar për ju që më parë.
21. Ai duhet të rrijë në qiell deri në kohën e ripërtëritjes së të gjitha gjërave, siç e ka lajmëruar Perëndia përmes profetëve të tij të shenjtë, që prej shumë kohësh.