32. Këtë Jezu, Perëndia e ngjalli dhe për këtë gjë ne të gjithë jemi dëshmitarë.
33. Ai është lartësuar në të djathtën e Perëndisë, ka marrë nga Ati Shpirtin e Shenjtë, që Perëndia na kishte premtuar dhe na e ka dhuruar ne, siç po e shihni dhe po e dëgjoni.
34. Megjithëse Davidi nuk është ngjitur në qiell, ai thotë: I tha Zoti Zotit tim: ulu në të djathtën time
35. derisa të t’i vë armiqtë e tu si shtrojë të këmbëve të tua.
36. Le ta dijë, pra, me siguri e tërë shtëpia e Izraelit, se atë Jezu që ju e kryqëzuat, Perëndia e bëri Zot e Krisht».
37. Atyre që i dëgjuan këto, iu trondit zemra dhe i thanë Pjetrit e apostujve të tjerë: «Ç’duhet të bëjmë, o vëllezër?».
38. Pjetri u tha: «Pendohuni e pagëzohuni secili në emrin e Jezu Krishtit, që t’ju falen mëkatet. Kështu do të merrni dhuratën e Shpirtit të Shenjtë.
39. Se premtimi është për ju, për bijtë tuaj e për të gjithë ata që janë larg, për këdo që Zoti Perëndia ynë, e thërret te vetja».
40. Pjetri dëshmoi edhe me shumë fjalë të tjera dhe i porositi: «Shpëtoni veten nga kjo brezni e mbrapshtë».
41. Ata që e pranuan fjalën e tij, u pagëzuan dhe atë ditë u shtuan rreth tre mijë veta.
42. Ata i ishin përkushtuar mësimit të apostujve, bashkësisë me njëri-tjetrin, thyerjes së bukës dhe lutjeve.
43. Të gjithë i zuri frika, sepse apostujt bënin shumë mrekulli e shenja.
44. Të gjithë besimtarët ishin të bashkuar dhe kishin gjithçka të përbashkët.