14. Ata nga Perga vazhduan rrugën e shkuan në Antioki të Pisidisë. Një të shtunë hynë në sinagogë e u ulën.
15. Pas leximit të ligjit të Moisiut e të profetëve, krerët e sinagogës dërguan dikë që t’u thoshte: «Vëllezër, nëse keni ndonjë fjalë për të këshilluar popullin, thojeni».
16. Atëherë Pali u ngrit, bëri shenjë me dorë e tha:«Burra izraelitë e ju që druani Perëndinë, dëgjoni:
17. Perëndia i popullit të Izraelit zgjodhi etërit tanë dhe e bëri të madh popullin tonë kur ishte në Egjipt. Ai i nxori që andej me krahun e tij të fuqishëm
18. dhe i duroi për rreth dyzet vjet në shkretëtirë.
19. Pasi shkatërroi shtatë popuj në tokën e Kanaanit, ua dha atyre tokën si trashëgimi